《今日我話事!!劇場版 》位於大西北嘅北根壞高校學生，一把火燒咗自己間學校，唯有借用開久高校。而北根壞惡霸柳銳次（柳樂優彌 飾）喺非常時期仲威逼利誘開久高校嘅同學硬食貴价鎖匙扣，唔買嘅就通通捱打。

爲咗守護身邊巴絲，身體好誠實成日龜縮嘅「金毛仔」三橋（賀來賢人 飾）、日日掛住出pool 嘅早川（橋本環奈 飾）同呃Like放閃嘅「箭豬頭」伊藤（伊藤健太郎 飾）終於要出手喇！今次放低同開久高校嘅新仇舊恨，同柳銳次等人挑機玩舖勁，更加遇上生命中最大危機，唔通今鋪真系GG啦⋯⋯